Ógnar langur fattari.......

Stundum er ég eins og enginn sé heima. Þið vitið, óendanlega lengi að tengja.

Fór í skólann að venju í morgun og fann líka þennan nístandi kulda læðast um mig, hugsaði með mér, jáhá það er þá svona sem Finnskur vetur er, frostið nagar mann inn að beini.

Þurfti svo að erindast nokkrar ferðir til og frá skóla, týpískt,  að velja daginn til að útrétta þegar kuldinn er mig lifandi að drepa.

Hef kvartað við alla í dag yfir frosthörkunni, hristi hausinn og hvaðeina yfir djörfung og dug fólksins að lifa af þvílíka árstíð og fengið dræmar undirtektir.

Jú hugsaði ég, Finnar eru  auðvitað vanir allt að 25-30 gráðu frosti. Kippa sér ekki upp við 10 í mínus.

Kom heim og leit á mælinn svo ég gæti nú sagt fréttir af ógnarkuldum í Finnlandi.

Mælir sýndi -1 gráðu, og þá og ekki fyrr en þá gerði ég mér grein fyrir að ég væri með hita.

Er það nema von að fólk hafi horft á mig skilningsvana þegar ég talaði um vetrarhörku Landsins. 

Athugasemdir

[Fríða Eyland, 13.11.2007 kl. 22:32]

[Fríða Eyland, 13.11.2007 kl. 22:39]

Nú máttu til að pakka þér vandlega inn svo heilsan verði góð annað kvöld, ullarteppi, kakó og rólegheit. Láttu húsráðanda vita um hitann Krumma og berðu þig ýkt aumlega, forvitnilegt hvort hún laumi á aðferðum í handraðanum handa þér til að flýta bata

[Hrafnhildur Ýr Vilbertsdóttir, 13.11.2007 kl. 22:41]

HAHA takk fyrir góðar ráðleggingar Fríða.

[Jenný Anna Baldursdóttir, 13.11.2007 kl. 23:19]

Kona kemur með göróttan drykk Krumma mín.  Passaðu þig bara á að hann sé ekki eitraðuð.  Kellan er til alls vís.

[Birna Dis Vilbertsdóttir (IP-tala skráð) 14.11.2007 kl. 09:57]