Og enn meira af húsráðanda... hehe.

Ég má til með að segja frá nýjustu afrekum húsráðanda svona rétt áður en ég leggst á koddann, annars verð ég hlæjandi og flissandi í alla nótt.

Ég fór niður í eldhús fyrr í kvöld, og á eldhúsbekknum stendur hárautt glænýtt útvarpstæki.

Ég segi við húsráðanda, neiiiiii sko,  bara ný fjárfesting.

Húsráðandi verður skrítin á svip en segir svo eftir smá stund: neeejaaassskoooo, ég stal þessu!

Ha????? stalstu þessu, hvað meinarðu?

Jú ég fór heim til innbrotsþjófsins sem rændi frá mér veskinu um daginn, bauð sjálfri mér inn, tók tækið sem tryggingu og skildi eftir miða til þjófs um það að hann fengi tækið ef ég fengi veskið.

AAAAHAHAHAHA, ég verð ekki eldri

Hefur ekkert hvarflað að þér að kæra, hikstaði ég á milli hláturroka.

Jú en þetta er miklu betri lexía sagði húsráðandi.

Ekki það, að ég vildi ekki hafa hana á móti mér, þó hún sé ekki nema meter og rakvélablað á hæð, lögblind og megakrútt, þá hræðist hún ekki neitt, og lætur sko í sér heyra ef henni er misboðið.

HAHAHA, hún rændi þjófinn......... 

Athugasemdir

[Guðrún Jóhannesdóttir, 13.11.2007 kl. 22:28]

stórkostleg kona !

Sofðu vel

[Fríða Eyland, 13.11.2007 kl. 22:31]

Hún er snillingur ekkert minna og náttúrulegur töffari

[Jenný Anna Baldursdóttir, 13.11.2007 kl. 23:17]

Bronsa konu, ég segi það satt.

[Þórunn Óttarsdóttir, 13.11.2007 kl. 23:21]

hún er sniðug  ég hefði samt frekar bara kært.................

[Birna Dis Vilbertsdóttir (IP-tala skráð) 14.11.2007 kl. 09:59]

Þetta virkar örugglega hjá meternum. Þjófur þolir ekki að það sé stolið frá sér.Snilldar kella