Suðurferð og fleira....

Ég átti yndislegan dag í dag. Fór í blíðskaparveðri á Illugastaði með mömmu , dóttir mín og tengdasonur eru þar ásamt vinahjónum með börnin sín…. Vó hvað ég er heppinn með börn, þetta eru svo vel gerðar stelpur sem ég á , skemmtilegar og hjartahlýjar. Ég lék mér við nýja barnabarnið hana Sonju Marý megnið af deginum , sú er farin að hjala og skríkja og veit sko alveg hvað hún vill…

Húsbandið er í Fjallabyggð byrjaður í nýju vinnunni svaka gaman og ég er komin með nýja vinnustofu, hlakka til að eyða tíma þar. Ég verð að hemja mig svolítið svo ég liggi ekki í símanum öll kvöld…malandi við húsbandið, við erum ansi náin eigum bráðum 21 árs samvistarafmæli  en okkur finnst líka gaman að takast á við nýja hluti eins og fjarbúð. Við erum svo sem ekki að gera þetta í fyrsta skipti, ég fór ein suður fyrir mörgum árum og skyldi hann eftir með börn og bú og svo var fjarbúð í gangi í fyrravetur þegar ég fór til Finnlands.....

Annars á ég að vera pakka ætla hendast suður  á morgun og taka inn sem mest af  menningar viðburðum um helgina með skemmtilegum vinkonum, ætlum svo allar að mála saman á sunnudaginn…ég hlakka svakalega til, þetta eru allt listakonur, hver á sínu sviði….söngkonur, skáld, leikkonur, hönnuðir og lífskúnstnerar , nú svo ætla ég að faðma stóru sys sem var reyndar hjá mér um síðustu helgi…
Einhverstaðar inn á milli dagskráliða verð ég að finna tíma til að heimsækja Kínverjana á skólavörðustíg, þeir fremja á mér alls kyns gjörninga sem duga mér í nokkrar vikur eða mánuði….ég er hnykkt, teygð og toguð á alla kanta, þeir ganga á mér, banka í mig og strjúka enda svo tímann á sársaukafullri nálastungu sem er samt sársaukans virði, því ég pissa eins og herforingi á eftir …….nú þú vera enginn bjúgur segja þeir stoltir.

Athugasemdir

[Jenný Anna Baldursdóttir, 20.8.2008 kl. 23:24]

Ég þarf að komast til Kínverjanna.

Hvert hringi ég.

Mig dreymir um að láta traðka á mér.  Ég meina það.

Komasho.

[Jenný Anna Baldursdóttir, 20.8.2008 kl. 23:34]

Jia-you Hrafnhildur og kærar þakkir.

[Edda Agnarsdóttir, 21.8.2008 kl. 00:18]

Góð að drífa þig í sollinn!

Ég þarf líka fara til sonnna KJínverja.

[Hrafnhildur Ýr Vilbertsdóttir, 21.8.2008 kl. 00:38]

Stelpur ég er að segja ykkur það...eftir tíma hjá kínamönnum er ég létt eins og hind, fer flikk flakk og heljarstökk....og....nei ok ekki alveg en þetta er á við marga tíma í sjúkraþjálfun, en þetta kostar, eins og allt annað sem eitthvað varið er í.

[Gudrún Hauksdótttir, 21.8.2008 kl. 11:20]

Yndisleg ,yndislegt.Gæti sko vel hugsad mér  ad láta tradka á mér.Hef prófad tetta hjá kínverjunum í Kópavogi fyrir margt löngu.Bara dásamlegt

Njóttu vel og lengji.

[Jenný Anna Baldursdóttir, 21.8.2008 kl. 11:29]

Og við erum að tala um sirkabát hversu mikið af denerós?

[Hrafnhildur Ýr Vilbertsdóttir, 21.8.2008 kl. 11:36]

Fer eftir því hvað maður lætur gera...frá þrjúþúsund upp í 7-8?? Man þetta ekki svo nákvæmlega enda með minni á við gullfisk....

[Jenný Anna Baldursdóttir, 21.8.2008 kl. 11:39]

Það er alveg þolanlegt.  Ég var farin að óttast að þetta hlypi á laxveiðferðum.

[Steinunn Helga Sigurðardóttir, 21.8.2008 kl. 15:55]

góða ferð í borgina !

það er yndislegt þegar maður er meðvitaður um ríkdæmi sitt !

kærleikur til þín

steina

[Helga skjol, 21.8.2008 kl. 21:50]

[Guðrún Jóhannesdóttir, 22.8.2008 kl. 18:07]

góða ferð elskan og knúsaðu mömmu þína fyrir mig

[Sigga Ingimundar (IP-tala skráð) 23.8.2008 kl. 23:32]

Hugsum mikið til ykkar þessa dagana og sendum okkar bestu kveðju til allra.

Sigga og Nonni

[Hrafnhildur Ýr Vilbertsdóttir, 24.8.2008 kl. 18:08]

Takk Sigga...