And life goes on...

Líðanin síðustu daga og vikur hefur verið skrítin, eiginlega eins og bland í poka, lífið rúllar áfram og ég held áfram að takast á við verkefni daglegs lífs þó þessi alvarlegu veikindi og dauðastríð mágkonu minnar vomi yfir okkur alla daga.Ég brest í grát af litlu tilefni og finn fyrir mikilli reiði sem því miður bitnar á öðrum í kring um mig...helst fólki sem þekkir ekki haus né sporð á mér, ég ibba mig við afgreiðslufólk í búðum og hvern þann sem er ekki alveg eins og mér hentar þessa dagana...eðlilegt sorgarástand segja þeir sem best vita, ég veit það svo sem en það sem er enn skrítnara og þó kannski  ekki.... er að eldri sorgir banka á dyr og minna á sig svo rífur í....

Ég á þessa dagana að vera skrifa rannsóknarritgerð en ég get ekki setið lengi við í einu, er áður en ég veit af farin að sinna einhverju öðru...væflast gjarnan á vinnustofuna set tónlistina í botn og mála eins og ég eigi lífið að leysa jafnvel fram á nætur....það er svo sem ákveðin lækning fólgin í því, en mér væri nær að sitja yfir skriftum..

Í dag er tvöfalt afmæli..húsband á afmæli og samband okkar líka...það eru 21 ár síðan við ákváðum að verða kæró... Í tilefni dagsins fórum við út að borða og nutum þess að vera saman enda sjáumst við bara orðið um helgar þannig að við nýtum tíman eins vel og hægt er. Svo bauð barnabarnið okkur í kaffi og súkkulaðiköku í kvöld...tjáði afa sínum það að bráðum yrði hann hundrað ára yrði kannski lifandi þá  og myndi verða bogin, þurfa staf og tala skrítilega...humm afinn er 49 í dag... en fyrir barnið er lítill munur á þeim aldri og hundrað...hehe.

Mágkona mín á svo afmæli þann 17 sept næstkomandi ef Guð lofar....

 

Athugasemdir

[Edda Agnarsdóttir, 13.9.2008 kl. 01:42]

Knús á þig elsku Hrafnhildur. Ég er á leiðinni til Akureyrar einhvern daginn og kem þá til þín. 

[Hrafnhildur Ýr Vilbertsdóttir, 13.9.2008 kl. 01:50]

Ég tek af þér loforð þú verður að koma heim í kaffi...ég gæti meira að segja rölt með þér á sýningar, tengt þig þannig að þú fáir menninguna beint í æð...og knús sömuleiðis er á leiðnni að hringja..

[Svanur Gísli Þorkelsson, 13.9.2008 kl. 01:51]

Sorg er ferill og ef þú hefur einhvern tíman ekki klárað þau mál þá skaltu ekki undrast að þau finni sér farveg með nýrri hryggð. - Láttu það ekki slá þig út af laginu og passaðu þig á súkkulaðikökunum :)

Bestu kveðjur,

[Jenný Anna Baldursdóttir, 13.9.2008 kl. 02:23]

Hugsa til þín ljósið mitt.

[Helga skjol, 13.9.2008 kl. 07:43]

Knús á þig og þína mín kæra og innilega til hamingju með húsbandið og afmælið ykkar beggja

[Huld S. Ringsted, 13.9.2008 kl. 08:00]

Til hamingju með afmælið ykkar

[Margrét Ingibjörg Lindquist, 13.9.2008 kl. 10:10]

Elsku Krumma mín... ég vildi að ég gæti stutt þig betur en þið eruð í huga mér nær allar stundir...Mér finnst gott hjá þér að mála í þessu ferli það er bara hold fyrir andann... ritgerðin kemur trúðu mér ... það kemur yfir þig einn daginn ef ég þekki þið smá... Knúsaðu húsbandið þitt og sjálfan þig til hamingju með tímamótin þið eruð par sem ég lít upp til því þið kunnið að vinna saman í lífinu og það er rosalega dýrmætt... snúllan ykkar er náttúrulega kostuleg og litla rúsínan yndisleg... bið að heils börnunum og barnabörnum...

[Birna Dis Vilbertsdóttir (IP-tala skráð) 13.9.2008 kl. 11:51]

Til hamingju bæði.Gamlar sorgir eru nefninlega ekki svo gamlar.Þær poppa upp suma daga eins og nýjar

[Hrafnhildur Ýr Vilbertsdóttir, 13.9.2008 kl. 13:37]

Takk öll sömul fyrir fallegar og styrkjandi kveðjur...trúið mér þær gera gagn...

[Anna Ragna Alexandersdóttir, 13.9.2008 kl. 18:10]

[Erna Friðriksdóttir, 13.9.2008 kl. 18:28]

Til hamingju með daginn ykkar í gær.  Og ég tek alveg undir þessi orð hér að ofan .....Gamlar sorgir eru nefninlega ekki svo gamlar.Þær poppa upp suma daga eins og nýjar.....................Kærleikskveðjur til ykkar

[Guðrún Jóhannesdóttir, 13.9.2008 kl. 21:06]

Krumma mín til hamingju með afmælin.

Veit hvernig þetta er með sorgina sem poppar upp, við verðum bara að kannast við hana getum ekkert annað. Sendi ykkur ljós og hef ykkur í bænum mínum öll kvöld vinan. 

[Helga Magnúsdóttir, 14.9.2008 kl. 15:40]

Sorgin leynist alltaf á bak við næsta tré. Hef orðið fyrir því að heyra lag eða eitthvað og þá steypist yfir mig gömul sorg. Flott hjá þér að mála þig frá ástandinu, haltu því bara áfram.

[Erna, 14.9.2008 kl. 21:01]

Sendi þér hamingjuóskir með daginn ykkar. Og samúðarkveður í þessu sorglega ferli  Kveðja.

[Erna Friðriksdóttir, 15.9.2008 kl. 15:35]

Sendi ykkur mínar innilegustu samúðarkveðjur  

[egvania, 15.9.2008 kl. 21:44]

Kæru ættingjar ég á svo fá orð núna bara kærleik

Ásgerður Einarsdóttir Ólafsfirði