Pirripirripirr pirripirr pirripirri pirr pirripirr...........

Ég fór í smá yfirhalningu á hárgreiðslustofu í dag, sem væri varla í frásögur færandi nema fyrir það að auðvitað lenti ég á konu sem var svo varkár í öllum hreyfingum að það var að gera mig..... BRJÁLAÐA.

Ég þoli ekki að fara í hárþvott  hjá fólki sem nuddar hársvörðin svo laust að það jaðrar við að vera kítl. Allt sem konan gerði var í samræmi við hárþvottinn, greiðunni var strokið OFUR hægt..... um hárið, hún klippti ofurhægt......  og talaði ofurhægt. ........

Ég var 3 tíma í stólnum hjá henni af því hún var svo hæg.  Viljiði spá í  3JA TÍMA PIRRINGI.

Það er eins gott að ég er dagfarsprúð kona en hefði ég þurft að vera mínútu lengur hefði ég öskrað á hana.

 Ég get bara ekki að því gert en svona meðferðir virka ekki á mig eins og slökun, ég verð hins vegar trítil óð

Ég hef líka lent á svona sjúkraþjálfurum, sem þykjast vera nudda en koma varla við mann máttleysislegar strokur eftir bakinu eru bara ekki að gera sig. Mig langar að taka svona fólk og hrista það.

ARG ég get orðið svo pirruð, þetta er eins og klæja stanslaust í nefið. 

Djö.... hvað er djúpt á pollyönnu núna. 

Athugasemdir

[Guðrún Jóhannesdóttir, 30.10.2007 kl. 00:30]

  nei nei ég skal ekki hlægja að þér, get samt ekki annað

Það kom stundum fyrir á meðan ég nennti að blogga og var að blogga hér að' ég var að lenda í svona týndum færslum, gafst alveg upp á þessu og keypti mér aðgang, þar get ég skammað einhvern ef síðan virkar ekki, sem hefur ekki gerst og ég er búin að vera á 123.is í meira en ár.

En upp með Pollyönnuandann og ég óska þér góðrar nætur

[Jenný Anna Baldursdóttir, 30.10.2007 kl. 11:38]

Arg hefði hrist viðkomandi klippara duglega.  Fólk á að gera hlutina þannig að maður viti að því.  Svona fólk eru flugur í mannsmynd.

[Birna Dis Vilbertsdóttir (IP-tala skráð) 30.10.2007 kl. 11:44]

Hahahahahahahaha. Ég er í kasti. Ég urraði á nemann sem þvær á mér hárið í hverri litun einu sinni í mánuði ,fastar-fastar.Hún er búin að ná því núna en ég held að greyið sé handlama eftir hársvörðunuddið sem ég heimta. Minn tími-mínir aurar.Ég neyðist til að fara einu sinni í mánuði því annaðs væri ég hvíthærð. Það er ekki að gerast strax. Ég ætla að gleðja þig núna og hugga þig. Ég ætla að vera með kláran kökudunk með hnetusmjörskökum handa þér sem þú grípur með þér heim.

[Margrét Ingibjörg Lindquist, 30.10.2007 kl. 13:49]

Elsku snúllan mín... þú ert nátturulega bara óborganleg... og það er það sem er svo einstaklega sjarmerandi við þig... KNÚS og knús aftur og vona að lífið leggji þig í einelti þessa dagana...  mikið skal ég knúsa þig FAST þegar þú kemur...

[Hrafnhildur Ýr Vilbertsdóttir, 30.10.2007 kl. 17:13]

Það vottar fyrir pínu pirringi ennþá stelpur en í alvöru talað ég meika ekki svona meðferðir þetta er það sama og þegar maður heilsar sumum með handabandi og hendin á viðkomandi lekur úr lófanum á manni, arg.... ég vil láta taka á því, þétt og valdsmannslega.

[Fríða Eyland, 30.10.2007 kl. 23:31]

þú þarft að kynnast innhverfri íhugun og læra að slaka á

[Fríða Eyland, 30.10.2007 kl. 23:37]

þegar þú ert á hárgreiðslustofunni. Nuddarar eiga náttúrulega að nudda en ekki þukla, klappa eða kitla ég sé þig í anda

Handaband sem er máttlaust er alveg óþolandi, þegar ég lendi í þeim að sækir á mig grunur um viðkomandi hafi vanþókknun á mér og ég missi allan áhuga á frekari samskiftum