Mission Impossible......lokið Muahahahaha

Þvílíkur dagur, en hann hafðist, svo nú sit ég pollróleg við tölvuna og finnst ég geta sigrað heiminn.

Pollýanna kom í heimsókn í líki Telmu skólasystur sem er alltaf eins og æðruleysið uppmálað, það er alveg sama hversu mikið er að gera, það haggar ekkert þessari elsku. Ég aftur á móti veð um í tryllingi, snýst í hringi verð óðamála, æði úr einu í annað og kem miklu minna í verk fyrir vikið. En hva þó maður sé ekki fullkominn á öllum sviðum...

Hiti og kvef kyrrsettu mig heima í dag svo ég gat klárað fyrirlestur sem verður fluttur með stæl á morgun. Vaskur er í góðum farvegi, vinnutap þessa dags næ ég að vinna upp um helgina,.... svo ég er í góðum málum.

Annars þoli ég ekki að vera kvefuð. Það er eins og ég hafi gleymt eyrnatöppum í eyrunum, heyri allt eins og ég sé stödd inn í boxi. Svo hef ég svitnað og kólnað á víxl í allan dag og lít út eftir því, með úfið hár og bólgið andlit. Hóstaköstin eru þó verst, má hafa mig alla við að klemma saman lappir svo ég fái nú ekki hlandbruna í ofaná lag.... nei segi svona.

Framundan er læknisheimsókn, ætla að reyna hætta að reykja aftur, ekki af því mig langar svo mikið, ég get bara ekki orðið andað eins og annað fólk. Ég anda bara niður í háls og innan tíðar verð ég farin að ljóstillífa eins og planta. Það er lágmark að maður komist upp stigana heima hjá sér, svo húsband þurfi ekki að hífa mig upp í talíu og drösla mér inn um svalir......er alltof hégómagjörn fyrir slíkan gjörning

Jæja ein sígó og svo að hátta......muahahahahaha ( getur maður orðið skrýtin af kvefi??????)

Athugasemdir

[Fríða Eyland, 29.1.2008 kl. 00:13]

Guði sé lof  

[Ragnheiður , 29.1.2008 kl. 00:18]

Ég er alveg viss um að maður getur orðið skrýtinn af kvefi og bara öllu mögulegu, maður getur allavega notað það sem afsökun ef allt um þrýtur hehe. Láttér barna skvís..

[Guðrún Jóhannesdóttir, 29.1.2008 kl. 00:29]

Æ láttu þer batna sem allra fyrst Krumma mín. 

maður getur sko orðið meira en skrýtinn af kvefi, það er hryllingur og afleiðingarnar eftir því 

Batakveðjur og kærleiksljós

[Edda Agnarsdóttir, 29.1.2008 kl. 17:23]

Hahaha já taktu bara Betu til fyrirmyndar - mér líst á það!

[Hrafnhildur Ýr Vilbertsdóttir, 29.1.2008 kl. 18:10]

Beta ég er reyni líka að hætta  tuttugu sinnum á dag........ og stundum oftar,hehe

[Birna Dis Vilbertsdóttir (IP-tala skráð) 29.1.2008 kl. 20:22]

 og svo pústa sig þá er hægt að reykja obbolítið hahahahaha. Góðan bata gullið mitt. Sunnubarnið var að skoða dóna e-mail sem öldruð móðursystir hennar fékk frá bloggvinkonu í dag. Og við skemmtum okkur konunglega yfir því.Hahahahahahaha. Bróinn biður að heilsa í kotið þitt

[Ásdís Sigurðardóttir, 29.1.2008 kl. 21:45]

Vona að Birna ´Dís sé ekki að tala um dónameilinn sem ég sendi, ó mæ god.  Ljóstillífa? þú ert nú fyndin í þessu kvefkasti.  Láttu þér batna yndið mitt.

[Jenný Anna Baldursdóttir, 29.1.2008 kl. 23:14]

Ég sé bötnun í farvatninu.  Mikinn reyk ásamt kikk vegna nikótíns.  Muhahaha Knús á þig

[Hrafnhildur Ýr Vilbertsdóttir, 29.1.2008 kl. 23:49]

Jenný ég get svarið það, spáin rættist.....bataferlið byrjað, ja allavega í kollinum og ég fékk nikotínkikk........ummmm hefurðu hugleitt að leggja það fyrir þig að vera spákona.....ha

[Erna Friðriksdóttir, 31.1.2008 kl. 16:38]

Vona að þér batni fljótt, vona að ég geti losnað við nikótínið 26 mars nk   stefni amk að því............. er ekki gott að hafa stefnur og plön ?? Minn búin að vera hættur í 9 mánuði,,,  enda hefur maður ekki efni á að 2 reyki á heimili   eða þannig................

[Kolgrima, 1.2.2008 kl. 00:24]

Það eru sko til pillur við reykingum! Virka fínt. Góðan bata, góran mín

[Hrafnhildur Ýr Vilbertsdóttir, 1.2.2008 kl. 00:51]

Er einmitt að fara til læknis til að fá pillur...vona að það gangi.

[Kolgrima, 1.2.2008 kl. 12:14]

Geggjað :) Það gengur, sannaðu til.