ÚTFÖR.....

í gær var útför elskulegrar mágkonu minnar Mæju Báru. Nokkur hundruð manns komu til að kveðja hana, það kom okkur ekkert á óvart því hún var elskuð af öllum sem kynntust henni. Mæja hafði einstaklega hlýja og notalega nærveru og talaði aldrei illa um neinn.

Framan af degi vorum við fjölskyldan eins og í leiðslu...þetta var svo óraunverulegt að það væri komið að þessari stund. Meira að segja í jarðaförinni fannst okkur hjónum vanta eitthvað...jú það vantaði Mæju Báru.

Það var örlítil huggun að vita að útförin var eins og Mæja og dætur hennar vildu hafa hana, látlaus einlæg og falleg. Ragnheiður Gröndal kom og flutti lög sem Mæja hafði valið sjálf og auðvitað snart hún mann inn að beini hún hefur svo fallega rödd.

Eftir að Mæja fékk að vita að hún ætti stutt eftir þá ræddum við um dauðan...hún sagðist ekki vera hrædd, trúði því að eitthvað annað og betra tæki við, ég er sama sinnis, ég hræðist ekki dauðann og finnst  í rauninni ekkert hræðilegt við hann, það er hins vegar söknuðurinn sem er erfiður og sárastur er hann fyrir dætur hennar sem eru ekki nema unglingar ennþá.

Það eru  erfiðir tímar framundan hjá þeim að reyna lifa án mömmu....

                   

                                   Þegar þú ert sorgmæddur, skoðaðu

                                   þá aftur hug þinn, og þú munt sjá 

                                   að þú grætur vegna þess, sem var

                                   gleði þín.

                                                           Kahlil Gibran/ Gunnar Dal

 

 

 

 

Athugasemdir

[Ragnheiður , 24.9.2008 kl. 18:02]

Blessaðar stúlkurnar, það verður erfitt hjá þeim og um að gera að flykkjast að baki þeirra

[Huld S. Ringsted, 24.9.2008 kl. 19:44]

[Helga skjol, 24.9.2008 kl. 20:39]

[Birna Dis Vilbertsdóttir (IP-tala skráð) 24.9.2008 kl. 22:26]

[Anna Guðný , 24.9.2008 kl. 23:45]

[Jóna Á. Gísladóttir, 25.9.2008 kl. 01:41]

Stundum eru orð svo lítils megnug. Mínar innilegustu samúðarkveðjur

[Jenný Anna Baldursdóttir, 25.9.2008 kl. 08:49]

Segi eins og Jóna, orð ertu svo langt frá því að skila sorginni.  Ég hugsa til þín af öllum mínum kærleika elsku Krumma mín.

[M, 25.9.2008 kl. 10:52]

[Guðrún Jóhannesdóttir, 25.9.2008 kl. 12:18]

hugsa til ykkar elskan, orð megna svo lítið

[Doddi - Þorsteinn G. Jónsson (IP-tala skráð) 25.9.2008 kl. 15:38]

Innilegar samúðarkveðjur héðan, elsku Hrafnhildur

[Hrafnhildur Ýr Vilbertsdóttir, 25.9.2008 kl. 16:11]

Takk fyrir fallegar hugsanir og fallegar kveðjur kæru bloggvinir.

[Steinunn Helga Sigurðardóttir, 25.9.2008 kl. 16:55]

ég er sama sinnis og þú og mágkona þín, hún fæðist á ný á öðrum stað í Alheimskærleikanum.

þetta er falleg færsla kæra hrafnhildur 

Kærleikur til þín og þinna héðan frá Lejre