Krumman í ham....gaman gaman

Ég hef undanfarna daga verið eins og hamhleypa á eigin heimili. Er búinn að fara í hvern einasta skáp á heimilinu og henda, flokka og raða. Hef semsagt verið að fengsúa heimilið.

Ákvað að nota tímann fyrst ég er kominn í jólafrí, geri þetta annars yfirleitt á vorin og ekki nema annað hvert ár. En þar sem ég verð á kafi í verkefnum í skólanum strax eftir áramót  ákvað ég að drífa í þessu.

Ég hef nefnilega komist að því að þetta endurnýjar orku allra íbúa heimilisins. Hér á árum áður safnaði ég öllu, engu mátti henda enda var ég að drukkna í allskyns drasli, nú er ég í hinum öfgunum, hendi öllu sem ég er ekki að nota, losa mig við allan óþarfa

Henti svo upp smá jólaljósum og bakaði biscotti, algjörlega ómissandi á aðventu með góðum freyðandi cappusino, er að smella í þvílíkan jólagírinn og svo er skemmtileg helgi framundan.

Erum að fara út að borða annað kvöld ásamt starfsfólki Ferðamálastofu og svo á laugardag ætla ég á listsýningar, hlakka ógó til. 

Já og svo má nú ekki gleyma að hér er mikill undirbúningur að fara í gang fyrir 20 ára brúðkaupsafmæli sem er 26 des. Húsband heimtar bleikt þema því hann var í bleikum gallabuxum þegar ég kynntist honum árið 1984. ( í gamla daga eins og afkomendur segja)

Meiningin er að hafa opið hús og auðvitað eru allir vinir og vandamenn velkomnir.

Mikið svakalega sem það er gaman að vera til.

Athugasemdir

[Fríða Eyland, 14.12.2007 kl. 15:15]

Hó Hó ég er líka á spani er að mála eldhúsið, tók forstofuna í gær, þetta er eina leiðin til að komast í gírinn í aðventustorminum. Ætli mar verði bara ekki að kíkja í bleika partíið, lol.  Smá djók í tilefni dagsins og dugnaðar okkar

[Hrafnhildur Ýr Vilbertsdóttir, 14.12.2007 kl. 16:10]

Fríða mín velkominn í bleika teitið, já svo er svaka gaman að vera svona duglegur...maður fær aukna orku eins skrítið og það nú er.

[Fríða Eyland, 14.12.2007 kl. 16:26]

Guð sástu ekki dúókið krumma tileinkað þér ég sem átti kvikmyndagagnrýni og alles

[Margrét Ingibjörg Lindquist, 14.12.2007 kl. 23:22]

Það er svo yndislegt að þú sért kominn heim.. það lífgar uppá gráa skammdegið ... knús.. í brasinu  þínu...

[Hrafnhildur Ýr Vilbertsdóttir, 15.12.2007 kl. 03:35]

Fríða mín...gleymdi að horfa en er búinn að því núna......takk fyrir myndband, hehe krummi hvað

Magga er á leiðinni, þa e ba a sooo obbbbosleaaa mikið að gera, fengsúi og allt og soooo er maaaur að undibúa partý ooo allt.

[Guðrún Jóhannesdóttir, 15.12.2007 kl. 13:11]

njóttu helgarinnar Krumma mín

[Fríða Eyland, 15.12.2007 kl. 14:44]

Krumma kannski þú athugar fyrir mig hvaða litir eru bestir í svefnherbergi fyrir ungling , laumar þessu að fengsúí meistaranaum fyrir mig Ég er komin í soddan málningarham um að gera að halda áfram á meðan ég er í stuði, búin með eldhúsið og forstofuna, dí hvað ég er dugleg eitthvað   Aðventukveðja-Kveðja

[Hrafnhildur Ýr Vilbertsdóttir, 15.12.2007 kl. 19:19]

Get alveg tekið undir það að þetta er svaka dugnaður hjá þér, gakktu samt ekki frá þér, maður má ekki vera of þreyttur um jólin þá er ekkert gaman

[Ásdís Sigurðardóttir, 15.12.2007 kl. 22:14]

Gaman að heyra hvað ykkur líður vel.  Alltaf gott að henda gömlu drasli.  Hafðu það gott um helgina.

[Edda Agnarsdóttir, 16.12.2007 kl. 14:24]

Velkomin í bloggvinahópinn og takk fyrir kveðjurnar. Gangi þér vel að fengsjúast!